National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Қауіпсіздік Кеңесі


Жаңалықтар

Орталық Азия елдері және Ресей Қауіпсіздік Кеңестері хатшыларының бірінші кездесуі өтті

Алматы қаласында Орталық Азия елдері және Ресей Қауіпсіздік Кеңесі хатшыларының бірінші кездесуі өтті.

Президент Қасым-Жомарт Тоқаев жиын қатысушыларына арнаған өзінің бейнеүндеуінде біздің аймақ үшін қазіргі жағдайда тұрақтылықты сақтау және қауіпсіздікті нығайту аса маңызды міндет екенін атап өтті. Ол үшін ықтимал қауіпке дұрыс болжам жасау, алдын ала әрекет ету шаралары және жаңа әрі сапалы ортақ әдістерді жедел әзірлеу маңызды.

Жиын барысында қазіргі халықаралық жағдайды және аймақтағы елдердің ұлттық мүдделерін ескере отырып, ынтымақтастықтың нақты салалары қарастырылды.

Президенттің Көмекшісі – Қауіпсіздік Кеңесінің хатшысы Ғизат Нұрдәулетов Ауғанстандағы ахуалды тұрақтандыруға атсалысу, көлік және азық-түлік қауіпсіздігін қамтамасыз ету және басқа да өзара іс-әрекеттердің басым бағыттарын ұсынды. Климаттың өзгеруі жағдайында ортақ экожүйені сақтау үшін су қауіпсіздігі мәселесіне ерекше назар аударылды.

Сондай-ақ осы күні Ғизат Нұрдәулетов пен Ресей Қауіпсіздік Кеңесінің хатшысы Николай Патрушевтің төрағалығымен Қазақстан мен Ресей Қауіпсіздік Кеңесі аппараттарының арасында жоспарлы екіжақты кеңесу шарасы өтті. Оған тиісті мемлекеттік органдардың басшылары мен қызметкерлері қатысты.

Тараптар Орталық Азияда терроризм мен діни экстремизге қарсы іс-қимыл саласындағы іс-әрекеттерді талқылап, қазіргі геосаяси жағдайға баға беріп, пікір алмасты.


Кері қайту Кері қайту Twitter Facebook Басып шығару

Заңдар

2024 жылғы 21 мамыр

Мемлекет басшысы «Қазақстан Республикасының кейбір заңнамалық актілеріне байланыс, цифрландыру, инвестициялық ахуалды жақсарту және артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды


Мемлекет басшысы Мәжіліс депутаты, «Ардагерлер ұйымы» республикалық қоғамдық бірлестігінің төрағасы, Ұлттық құрылтай мүшесі Бақтықожа Ізмұхамбетовті қабылдады

2024 жылғы 30 мамыр

Мемлекет басшысы Мәжіліс депутаты, «Ардагерлер ұйымы» республикалық қоғамдық бірлестігінің төрағасы, Ұлттық құрылтай мүшесі Бақтықожа Ізмұхамбетовті қабылдады

Жарлық

2024 жылғы 17 мамыр

Н.И. Қилыбайды тағайындау туралы