National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Астана, Қазақстан

Мемлекет басшысы Қасым-Жомарт Тоқаев Ұлттық гвардияның әскери бөліміне барды

2019 жылғы 24 мамыр

Қазақстан Қарулы Күштерінің Бас қолбасшысы нысанды аралау барысында 5573 әскери бөлімінің макет-үлгісімен және ақпараттық тақтасымен, жатын және қызметтік инфрақұрылымдарының жағдайымен танысты. Сондай-ақ, әскерилердің оқу-жаттығу нысандары мен қару-жарақ көрмесін аралады.

Қазақстан Президенті Ұлттық гвардияның командалық құрамымен және әскери қызметшілермен әңгіме барысында олардың елдегі тұрақтылықты сақтауда, азаматтар мен қоғамның қауіпсіздігін қамтамасыз етуде маңызды міндеттер атқарып жүргенін атап өтті. Сонымен қатар, әскерилердің әлеуметтік мәселелеріне арнайы тоқталды.

– Кредиторлық қарыздар, әсіресе баспанаға төлем – өз алдына жеке мәселе. Үкімет осы қарыздарды толық өтеу үшін түпкілікті шара қабылдауы қажет. Әскерилердің әлеуметтік мәселесі туралы сөз жүзінде айтылып, іс жүзінде тиісті міндеттемелердің орындалмауына жол берілмеу керек, – деді Қасым-Жомарт Тоқаев.

Мемлекет басшысы Үкімет пен Ішкі істер министрлігіне әскери бөлімшелердің жауынгерлік дайындығын шыңдап, құрылымдардың материалдық-техникалық жабдықталуын жақсарту жөнінде тапсырма берді.


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің